Donnerstag, 15. November 2018 | 02:52 Uhr

Aktuelle Seite:  Home AH-Chronik AH-Lied

Das Oggersheimer AH-Lied

Text Karlheinz Loch
nach der Melodie "Ich bin in echte Pfälzer Bu"

Mir sin die FSV AH bei uns is stets was los
mir liewen die Gemütlichkeit un sin ä klorie Bloß
wann mir als so am Feiern sin dann isses so wie heit
zum Feiern hemmer immer Grund und henn a immer Zeit

  Refrain:
  Ach Gott was sin mir Oggerschummer klor
  gute Laune hemmer's ganze Johr
  ja die halt uns fit un halt uns wach
  besser so wie dauernd Krach
  ja besser so wie dauernd Krach

Mir spielen 30 mol im Johr so gut wies halt noch geht
un Samstagsmittags uffem Platz do hemmer unser Freed
mir greischen uffem Platz als rumm ihr Leit dess is doch klar
dass jeder glei vun weitem hört heit spielt jo die AH

  Refrain

Un wammer mol ä Spiel valier'n do is de Deiwel los
do duen mir als dischbedier'n dess hörscht bis uff die Stroß
kaum sin die erschte Schoppe leer do simmer widder klor
als wann garnig's gewese wär singt dann de ganze Chor

  Refrain

Bei uns do fühlt sich jeder wohl in unserm schäne Ort
wer emol mit uns g'feiert hot will nimmie vun uns fort
ob Fußball – Handball – Kegelclub – ob Karnevallverein
de G'sangverein – die Altestubb sie stimmen all mit ein

  Refrain

Ward ihr schunn mol an Kerwe do beim Stroßefescht ihr Leit
bei Pfälzerkoscht un Mayerbier vergeht so schnell die Zeit
vun morgens früh bis in die Nacht is do ganz schä was los
dann singt wann's grad am schennschte is die ganze Schillerstroß

  Refrain

 

Wer wissen möchte wie sich das Lied anhört, der kann folgendes Bild anklicken:

FSV AH Lied


Powered by PROTEUS-Webdesign.